Loading...
Loading...

ပြည်သူများ၏ငွေကြေးများကို လက်လွတ်စပယ်ရယူသွားသည့် ဖုန်းအော်ပရေတာများကို ဖော်ထုတ် အရေးယူပေးရန် လွှတ်တော်ကိုယ်စားလှယ် တိုက်တွန်း

ပြည်သူများ၏ငွေကြေးများကို လက်လွတ်စပယ်ရယူသွားသည့် ဖုန်းအော်ပရေတာများကို ဖော်ထုတ်အရေးယူပေးရန် အုတ်တွင်းမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်ချိုချိုက တိုက်တွန်းလိုက်သည်။

သြဂုတ်လ ၂၃ ရက်ကကျင်းပသည့် ဒုတိယအကြိမ် ပြည်ထောင်စုလွှတ်တော် ၁၃ ကြိမ်မြောက် ပုံမှန်အစည်းအဝေး၊ ၁၅ ရက်မြောက်နေ့တွင် ၂၀၁၈-၁၉ ဘဏ္ဍာရေးနှစ် ပြည်ထောင်စုအစိုးရဝန်ကြီးဌာန အဖွဲ့အစည်းများ၏ ပထမ ၆ လပတ်အခွန်ရငွေနှင့်ပတ်သက်ပြီး ပြည်သူ့ငွေစာရင်းပူးပေါင်းကော်မတီ၏ တွေ့ရှိချက်အစီရင်ခံစာအပေါ် ဆွေးနွေးရာတွင် ထည့်သွင်းပြောကြားခဲ့ခြင်ဖြစ်သည်။

ကျန်းမာရေး၊ ဖျော်ဖြေရေးစတဲ့အစီအစဉ်များကို သုံးစွဲသူများကမလုပ်ဘဲ အပတ်စဉ်၊ လစဉ် ဝန်ဆောင်မှုတွေအတွက် တယ်လီဖုန်းအော်ပရေတာကဖြတ်တောက်ခြင်းဆိုတဲ့ လက်လွတ်စပယ် ရယူသွားခဲ့ခြင်း၊ သုံးစွဲသူပြည်သူများအကုန်အကျခံလိုခြင်းမရှိတဲ့ငွေကြေးဆုံးရှုံးမှုများအတွက် စိတ်မကျေမနပ်ဖြစ်နေမှုများကို လွှတ်တော်မှာလည်း တရားဝင်မေးမြန်းထားမှုတွေရှိသလို မီဒီယာများတွင်လည်း ထုတ်ဖော်ဝေဖန်မှုတွေ ရှိနေတဲ့အတွက်ကြောင့် တာဝန်ရှိသောဌာနအနေဖြင့် ကိုယ့်နဲ့မဆိုင်သလိုတာဝန်မရှိသလိုရေငုံနူတ်ပိတ်မနေဘဲ သုံးစွဲသူ ပြည်သူများသံသယကင်းအောင် ဖော်ထုတ်အရေးယူတာမျိုးတိကျတဲ့ရှင်းလင်းမှုများကိုလုပ်ဆောင်ပေးဖို့ အချိန်မဆွဲသင့်ပါဘူး။” ဟု အုတ်တွင်းမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ချိုချိုက ပြောသည်။

သုတေသနပြုမှုတစ်ခုအရ တစ်ရက်လျှင် ကျပ်ငွေ ၀.၅ ဘီလျံကျော်တန်ဖိုးရှိသည့် အေးဓားမြတိုက်နေမှုများကို ဖုန်းကုမ္ပဏီများက ပြုလုပ်နေကြောင်းဖော်ပြထားသည်ကိုဆိုရှယ်မီဒီယာများ၌ တွေ့ရသည့်အတွက် သက်ဆိုင်ရာဌာန၏ ဖြေရှင်းမှုကို ပြည်သူများဘက်က မျှော်လင့်နေကြကြောင်းလည်း ၄င်းက ထည့်သွင်း ပြောကြားသည်။ ပြည်သူ့ငွေစာရင်းပူးပေါင်းကော်မတီ၏တွေ့ရှိချက်အစီရင်ခံစာကို ပြည်ထောင်စုလွှတ်တော်ကိုယ်စားလှယ် ၈ ဦးက အကြံပြုဆွေးနွေးခဲ့ကြကြောင်း သိရသည်။

Cre: burmese.asia