Loading...
Loading...

ဒီချုပ်အမတ်နှစ်ဦး ရန်ပုံငွေအလွဲသုံးဟုဆို၍ ဆန္ဒပြသူများ အမှုဖွင့်ခံရ

ဇွန်၉ရက်က ဆန္ဒပြနေစဉ် (ဓာတ်ပုံ−ပုလောမြို့နယ် ရိုးရာဓလေ့ ထုံးတမ်းအစဉ်အလာ)

 ပုလောမြို့နယ် လွှတ်တော်အမတ်နှစ်ဦးက ပြည်ထောင်စုလွှတ်တော် ဖွံ့ဖြိုးရေးရန်ပုံငွေများ အလွဲသုံးစားလုပ်ခဲ့သည်ဆို ကာ ဆန္ဒထုတ်ဖော်ခဲ့သည့် ဒီချုပ်ပါတီဝင် ရပ်ကျေးအုပ်ချုပ်ရေးမှူး နှစ်ဦးအပါအ၀င် လေးဦး နိုင်လွတ် လုံဥပဒေပုဒ်မ ၁၀၊ ၁၀/၁၂ ဖြင့် အမှုဖွင့်ခံရကြောင်း ပါတီဝင်များ က ပြောသည်။

ထိုသို့ အမှုဖွင့်သည့်ကိစ္စနှင့် ပတ်သက်၍ ပုလောမြို့မရဲစခန်း မှူးထံ ဖုန်းဖြင့် ဆက်သွယ်မေးမြန်း ရာ အပြင်ရောက်နေသဖြင့် လတ်တလော ဖြေကြားနိုင်ခြင်းမရှိသေး ကြောင်း ပြောသည်။

ထို့အတူ အမှုဖွင့်သူ ဒီချုပ်ပါတီပုလောမြို့နယ် အလုပ်အမှု ဆောင်အဖွဲ့ အတွင်းရေးမှူး ဦးဇော်မင်းထံ ဖုန်းအကြိမ်ကြိမ် ဆက်သွယ်သော်လည်း ဆက် သွယ်မှုမရခဲ့ပေ။

အာဏာရအမျိုးသားဒီမိုက ရေစီအဖွဲ့ချုပ်အဖွဲ့ဝင်များဖြစ်သည့် ပုလောမြို့နယ် ပြည်သူ့လွှတ် တော်အမတ် ဦးအုန်းခင်နှင့် အမျိုးသားလွှတ်တော်အမတ် ဦးကင်းရှိန်တို့သည် ပြည်ထောင်စုလွှတ် တော်ဖွံ့ဖြိုးရေးရန်ပုံငွေများ အသုံးပြု၍ လုပ်ငန်းများဆောင်ရွက် ရာတွင် နီးစပ်သူများအား လုပ်ပိုင်ခွင့်ပြုခဲ့သည်ဆိုကာ ဇွန်လ ၉ ရက်က မြိတ်ခရိုင် ပုလောမြို့နယ်တွင် ဒီချုပ်ပါတီဝင်များဦးဆောင် သော မြို့နေပြည်သူ ၃၀၀ ခန့်က ဆန္ဒထုတ်ဖော်ခဲ့သည်။

ထို့ကြောင့် ဒီချုပ်မြို့နယ်အ လုပ်အမှုဆောင်အဖွဲ့ အတွင်းရေးမှူး ဦးဇော်မင်းက ဇွန်လ ၉ ရက် ဆန္ဒထုတ်ဖော်ရာတွင် ဦးဆောင်ခဲ့သော ပုလောမြို့နယ် အမှတ်(၁) အုပ်ချုပ်ရေးမှူး ဒီချုပ်ပါတီဝင် ဦးသီဟ၊ ကျောက်လုံးကြီး ကျေးရွာအုပ်ချုပ်ရေးမှူး ဒီချုပ် ပါတီဝင် ဦးကျော်ထင်တို့ကို နိုင်ငံသားများ၏ပုဂ္ဂိုလ်ဆိုင်ရာ လွတ် လပ်မှုနှင့် လုံခြုံမှုကာကွယ်ရေး ဥပဒေပုဒ်မ ၁၀၊ ၁၀/၁၂ ဖြင့် ပုလောမြို့မရဲစခန်းတွင် အမှုဖွင့်တိုင်ကြားခဲ့သည်ဟု အမှုဖွင့်ခံရသူ ဦးသီဟက အတည်ပြုပြော သည်။

ထို့အပြင် မြိတ်ခရိုင် ဒီချုပ်အလုပ်အမှုဆောင်အဖွဲ့ ဥက္ကဋ္ဌ ဟောင်း ဦးသန်းနွယ်နှင့် ဆန္ဒထုတ် ဖော်ပွဲပြုလုပ်နေမှုကို လူမှုကွန် ရက်ပေါ် တိုက်ရိုက်လွှင့်တင်သူ ပုလောမြို့နယ် ဒီချုပ်လူငယ်လုပ် ငန်းအဖွဲ့တာဝန်ခံဟောင်း ဦးထွန်း လင်းဦးတို့ကိုပါ အထက်ပါပုဒ်မ များဖြင့် အမှုဖွင့်ထားသည်ဟု ၎င်း က ဆိုသည်။

ထိုသို့ အမှုဖွင့်ခံရမှုအပေါ် ဒီချုပ်ပါတီဝင် ဦးသန်းနွယ်က ‘‘အခုက ပြည်ထောင်စုရန်ပုံငွေကို အလွဲသုံးစားလုပ်တဲ့ ကိစ္စ တရားစွဲလို့ရတယ်။ အဲဒီဟာကို ကြိုပြီး ကာကွယ်တဲ့အနေနဲ့ ကျွန်တော် တို့ကို အမှုဖွင့်ထားတဲ့ပုံစံဖြစ်နေ တယ်။ လုပ်တဲ့ဟာကလည်း လွှတ်တော်ကိုယ်စားလှယ်ရဲ့ ၀ိတ်ကို သုံးပြီးတော့ဖိတာ’’ ဟု မှတ်ချက် ပြုသည်။

ဆန္ဒဖော်ထုတ်သူများ၏

ပြောဆိုချက်

အထက်ပါ လွှတ်တော်အ မတ် ဦးအုန်းခင်နှင့် ဦးကင်းရှိန်တို့ နှစ်ဦးသည် ၂၀၁၈-၁၉ ဘဏ္ဍာနှစ်ပြည်ထောင်စုလွှတ်တော်ဖွံ့ဖြိုး ရေးရန်ပုံငွေ ကျပ်သိန်း ၁,၀၀၀ ဖြင့် ဆောင်ရွက်သော လုပ်ငန်း ၂၇ ခုအနက် အကျိုးအမြတ်ရှိမည့် လုပ်ငန်း ၁၂ ခု ဆောင်ရွက်ရန် ၎င်းတို့ နှင့် နီးစပ်သူများကို ကန်ထရိုက် လုပ်ပိုင်ခွင့်များ ချထားပေးခဲ့ ကြောင်း ဆန္ဒထုတ်ဖော်သူများက ပြောကြားထားသည်။

ထို့အပြင် ပုလောမြို့နယ်ရှိ မင်းသီရိလမ်းပြုပြင်ရေး ကျပ် ၄၂ သိန်းအသုံးပြုရန်ဟု ဆိုင်းဘုတ် ထောင်ထားသော်လည်း အမှန်တကယ်ကုန်ကျငွေ ကျပ် ၁၅ သိန်းသာဖြစ်ကြောင်းနှင့် ယင်းသို့ပြု လုပ်ခဲ့သည့် နေရာပေါင်း ရှစ်နေရာခန့်ရှိသဖြင့် အဂတိကော်မရှင် ထံ တိုင်ကြားခဲ့သည်ဟု  ပုလောမြို့ နယ် အမှတ်(၁)ရပ်ကွက်အုပ်ချုပ် ရေးမှူး ဦးသီဟက ပြောသည်။ ယင်းအတွက် ၎င်းတို့ထံတွင် သက်သေအထောက်အထား အပြည့်အစုံရှိသည်ဟု ၎င်းက ပြောကြားထား သည်။

အဂတိကော်မရှင်ထံ တိုင်ကြားမှု

ထို့ကြောင့် ပြည်ထောင်စု လွှတ်တော်ဖွံ့ဖြိုးရေးရန်ပုံငွေများ အလွဲသုံးစားပြုသော ပြည်သူ့ လွှတ်တော်နှင့် အမျိုးသားလွှတ် တော်ကိုယ်စားလှယ်နှစ်ဦးကို အရေးယူပေးရန် ရပ်ကျေးအုပ်ချုပ် ရေးမှူး ရှစ်ဦးက လက်မှတ်ထိုးကာ နိုင်ငံတော်သမ္မတ၊ နိုင်ငံတော်အ တိုင်ပင်ခံနှင့် အဂတိတိုက်ဖျက် ရေးကော်မရှင်တို့ထံ ယခုနှစ်ဆန်းပိုင်းက တိုင်ကြားရာ ကော်မရှင်ကလည်း ယခုနှစ်မေလအတွင်း ထားဝယ်မြို့နယ်တွင် ၎င်းတို့ကို ခေါ်ယူ၍ စစ်ဆေးခဲ့သည်။

ထိုသို့ တိုင်ကြားမှုနှင့်ပတ် သက်၍ စစ်ဆေးခံရာတွင် ကော်မ ရှင်ထံ သက်သေအထောက်အ ထားများနှင့်တကွ တင်ပြအစစ် ဆေးခံခဲ့ကြောင်း ပုလောမြို့နယ် အမှတ်(၁)ရပ်ကွက် အုပ်ချုပ်ရေး မှူး ဦးသီဟက 7Day Daily သတင်းစာအား ဖြေကြားထားသည်။ အဂတိတိုက်ဖျက်ရေးကော်မရှင်ထံက မူ စုံစမ်းစစ်ဆေးမှုဆိုင်ရာ အခြေ အနေများ သိရှိရခြင်းမရှိသေးပေ။

လွှတ်တော်အမတ်ရှင်းလင်းချက်

ပြည်ထောင်စုလွှတ်တော် ဖွံ့ဖြိုးရေးရန်ပုံငွေအလွဲသုံးသည် ဆိုကာ အဂတိကော်မရှင်ထံ တိုင်ကြားခံရသည့် ပုလောမြို့နယ် အမျိုးသားလွှတ်တော်အမတ် ဦးကင်းရှိန်က ရန်ပုံငွေများ ကိုယ်ကျိုးအတွက် ခိုးယူကြောင်း သက်သေပြနိုင်သူရှိလျှင် ကိုယ့်ကိုယ် ကိုယ်သတ်သေမည်ဖြစ်ပြီး မပြနိုင် ပါက စွပ်စွဲသူကိုယ်တိုင်လည်း သတ်သေရမည်ဟု ရှင်းလင်းထား သည်။

ဒီချုပ်ပါတီဗဟိုပြောရေးဆိုခွင့်ရှိသူ ဒေါက်တာမျိုးညွန့်ကမူ လွှတ်တော်အမတ်များ မသမာမှု ပြုလုပ်ကြောင်း သက်သေအ ထောက်အထား အခိုင်အမာရှိပါ က ပါတီကို ငဲ့ကွက်ခြင်းမပြုဘဲ အဂတိတိုက်ဖျက်ရေးကော်မရှင် ထံ တိုက်ရိုက်တိုင်ကြားရန် တိုက် တွန်းထားသည်။

လွှတ်တော်ကိုယ်စားလှယ် များ၊ အုပ်ချုပ်ရေးဆိုင်ရာနှင့် ဒေသခံပြည်သူများ ပါဝင်ဆွေးနွေးဆုံးဖြတ်မှုဖြင့် တစ်မြို့နယ်လျှင် ကျပ်သိန်း ၁,၀၀၀ နှုန်း အသုံးပြု နိုင်သည့် ပြည်ထောင်စုလွှတ် တော်ဖွံ့ဖြိုးရေးရန်ပုံငွေကို နှစ်စဉ် ချပေးနေခြင်းဖြစ်သည်။

ဆန္ဒပြသူလေးဦး အမှုဖွင့်ခံ ထားရသည့် နိုင်လွတ်လုံဥပဒေ ပုဒ်မ ၁၀ အရ ကျူးလွန်ကြောင်း ထင်ရှားစီရင်ခြင်းခံရလျှင် အနည်းဆုံး ထောင်ဒဏ်ခြောက်လမှ အများဆုံး သုံးနှစ်အထိ ချမှတ်နိုင် သည့်အပြင် ငွေဒဏ်အနည်းဆုံး ကျပ်သုံးသိန်းမှ အများဆုံး ၁၅ သိန်းအထိ ချမှတ်နိုင်သည်။

ထို့အပြင် ယင်းဥပဒေပါပုဒ်မ ၁၂ အရ ပြစ်မှုတစ်ခုခုကို ကျူးလွန်ရန် အားထုတ်ခြင်း၊ တာဝန်ပေးခြင်း၊ ခိုင်းစေခြင်း၊ ပြစ်မှုတစ်ခုခုကျူးလွန်ရာတွင် ပူးပေါင်းကြံ စည်ခြင်း၊ အားပေးကူညီခြင်းတို့ ပြုလုပ်ပါက နိုင်လွတ်လုံဥပဒေပါ ပြဋ္ဌာန်းချက်များအတိုင်း အပြစ်ဒဏ်ချမှတ်ရမည်ဖြစ်သည်။

Cre: 7daydaily.com